Constant en Minki se troue

Saterdag die 29ste was toe Minki se troue. Vir die oningeligtes, ek is Minki se oom. Carien haar Ma is my sussie.

Wat 'n heerlike fees was dit nie. Isabella (ons 4,5 jarige dogterjie) was een van haar blomme meisietjies en is voor die tyd opgemaak en aangetrek by Lanzeraz. Die haartjies was gedoen en sy was te pratig met haar rooi rokke. Teen die tyd kan sy al die "r" baie mooi se. So 6 maande gelede sou sy gepraat het van haar "looi lokkie". Sy was in die eerste swart BMW 4x4 wat opgedaag het by die Moederkerk. Minki en haar Pa Herman was in die tweede swart BMW 4x4.

Wat nogal vreemd was vir die troue is dat daar hordes sekeriteits manne was. Almal in swart geklee. Niemand van ons mag van die bruidspaar fotos geneem het nie tot 11 uur die aand. Blykbaar begin die rapport dan print vir Sondag. Julle moes sien hoe die mense toe 11 uur die aand hul digitale kameras uitpluk en begin fotos neem. Ek het lateraand gese hulle moet my nou ophou afneem. Grappie.

Anyway terug by die kerk. As jou naam nie op die lys was nie kon jy nie ingaan by die kerk nie. Laat my dink aan die hemel. 'n Klomp sekurtiteits manne het Minki omring met swart sambrele sodat gee steel fotograaf haar kan afneem voor sy ingaan nie. Minki hulle het pragtig ingestap op die troumars. Bly maar n mooi oomblik. Isabella het doodstil gesit deur die hele diens lanks die strooi meisies. Te pragtig vir woorde. Ds Braam Hanekom het hul getrou.

Na die diens is hulle by die sydeur uit, weereens om die fotograwe te vermy. (Dis die prys om bekend te wees). Daarna is ons onthaal toe by Nooitgedagt net buite Stellenbosch. Alles was baie great en smaakvol. Daar kon ons weereens nie fotos neem van die bruidspaar nie. Huisgenoot en Top Billing het die alleen regte gehad. Ek het in die proses hand geskud net Big Brother, Ferdie (nou familie van my want hy is getroud met Minki se man, Constant se suster) en Jo-Ann Strauss van Top Billing (kyk uit vir Top Billing een van die dae) . Nenna (Cherleen Surtie Richards) van Egoli was die seremonie meester. Sy was nogal baie snaaks.

Verder was daar nogal nie baie seleps nie. Andrew Hall (krieket), Rob Louw (oud springbok rugby man) en Michelle Mcclean (Namibia, en voormalige Mej Heela). Dit is omtrent dit. En O ja, natuurlik ek en Evette!!

Ons kinders was by Jan en Amelia van Zyl vir die aand, so ons kon heerlik kuier en dans tot ou nag toe. Dit is deesdae 12 uur vir my.

Opgesom kan ek se dit was een groot fees. Dankie Herman en Carien vir n great troue!!